پاکستان تحریک انصاف کے چیئرمین بیرسٹر گوہر نے کہا ہے کہ پہلے بھی کہا ہے ہم بانی کی صحت پر سیاست نہیں کر رہے۔
وزیر داخلہ محسن نقوی کے پریس کانفرنس پر ردعمل دیتے ہوئے انہوں نے کہا کہ میں، سلمان اکرم راجہ اور بانی پی ٹی آئی کی بہنیں اڈیالہ جیل پہنچے ہوئے ہیں، ہمارا مطالبہ تھا فیملی یا ذاتی معالج کو رسائی دی جائے، بانی کو ہسپتال شفٹ کیا جائے۔
انہوں نے کہا کہ طبی معائنے میں بھی اسلئے شریک نہیں ہوئے کیونکہ ہم چاہتے تھے بانی کو ہسپتال منتقل کیا جائے، درخواست کرتا ہوں میری ملاقات کا بندوبست کیا جائے تاکہ میں بانی سے ملوں، ملاقاتوں پر پابندی لگا کر مسئلے کو پیچیدہ کر دیا گیا، میری، سلمان اکرم راجہ اور فیملی کی ملاقات کروائیں۔
