اے این ایف نے تین کارروائیوں میں 95.4 کلوگرام منشیات برآمد کر کے 4 ملزمان کو گرفتار کر لیا۔
ترجمان کے مطابق کارروائیاں قصور، پشین اور اسلام آباد میں کی گئیں، کارروائیوں کے دوران مجموعی طور پر 92کلو 400گرام چرس اور 3کلو گرام آئس برآمد کی گئی۔
ترجمان کے مطابق کارروائیوں میں منشیات ترسیل کیلئے استعمال ہونیوالے 3 ڈرونز اور دیگر آلات بھی برآمد کیے گئے ہیں ہیں، گرفتار ملزمان نے دورانِ تفتیش تعلیمی اداروں کے طلبا کو منشیات فروخت کرنے کا اعتراف کیا ہے۔
ترجمان کے مطابق گرفتار ملزمان کیخلاف انسدادِ منشیات ایکٹ 1997کے تحت مقدمات درج کرکے تفتیش شروع کردی گئی ہے۔
