سعودی عرب میں غیرقانونی تارکین وطن کیخلاف جاری کریک ڈائون میں ایک ہفتے کے دوران مزید 18 ہزار افراد کو گرفتار کیا گیا ہے۔
غیر ملکی میڈیا کی رپورٹ کے مطابق سعودی وزارت داخلہ نے کہا ہے کہ گزشتہ ایک ہفتے میں سعودی عرب کے مختلف علاقوں میں تفتیشی کارروائیوں کے دوران 18ہزار سے زائد غیرقانونی تارکین وطن کو حراست میں لیا گیا ہے۔
وزارت داخلہ کی جانب سے جاری رپورٹ میں بتایا گیا ہے کہ مختلف شہروں میں قانون نافذ کرنیوالے ادارے کی تفتیشی ٹیموں نے غیرقانونی تارکین کیخلاف مہم کے دوران اقامہ قوانین کی خلاف ورزیوں پر 11ہزار 442افراد کو حراست میں لیا ہے، سرحدی قوانین کی خلاف ورزی کرتے ہوئے سعودی عرب میں غیرقانونی طورپر داخل ہونے کے الزام میں 1ہزار 762تارکین کو گرفتار کیا گیا ہے جن میں 46فیصد یمنی، 53فیصد ایتھوپین اور ایک فیصد کا تعلق مختلف ممالک سے تھا۔
