برطانیہ کے معروف نجومی نے دعویٰ کیا ہے کہ 2026 پرنسس آف ویلز کیٹ مڈلٹن کیلئے کامیابیوں، اعتماد اور ذاتی خوشیوں کا سال ثابت ہو سکتا ہے۔
غیر ملکی میڈیا کی رپورٹس کے مطابق شہزادی ڈیانا کی نجومی ڈیبی فرینک نے کہا ہے کہ کیٹ مڈلٹن مسلسل دو سال صحت کے مسائل اور شاہی ذمہ داریوں کے بعد اب ایک نئے دور میں داخل ہونے جا رہی ہیں، جنوری کیٹ کیلئے اہم سنگِ میل ہوگا، مئی میں وہ نمایاں شاہی شخصیت کے طور پر سامنے آئیں گی اور عوام کے دلوں پر راج کریں گی، آئندہ سال کے دوران کیٹ کے اعتماد اور قد و قامت میں اضافہ ہوگا اور وہ دنیا میں مثبت تبدیلی لانے کے سفر میں آگے بڑھیں گی، نومبر میں عوامی پذیرائی اور ذاتی مسرت کیساتھ کامیابیوں کا مزہ چکھیں گی۔
شاہی مبصرین کے مطابق کیٹ مڈلٹن کے بارے میں یہ خوش آئند پیش گوئیاں مبینہ طور پر ملکہ کمیلا اور شاہی خاندان سے علیحدگی اختیار کرنیوالی امریکی اداکارہ میگھن مارکل کیلئے تشویش کا باعث بن سکتی ہیں کیونکہ کیٹ کو عوام میں سب سے مقبول شاہی شخصیت سمجھا جاتا ہے۔
