برازیل کے سابق صدر کو بغاوت کی سازش کے جرم میں سنائی جانیوالی سزا پر عملدرآمد شروع ہوگیا ہے۔
بولسونارو کو جمہوری نظام کو کمزور کرنے، سازش میں حصہ لینے، سرکاری املاک کو نقصان پہنچانے اور تاریخی ورثے کو تباہ کرنے جیسے الزامات میں قصور وار ٹہرایا گیا تھا اور سپریم کورٹ نے انہیں 27 سال اور 3 ماہ قید کی سزا سنائی تھی تاہم اپیل کیلئے مہلت دینے کی وجہ سے سزا فوری طور پر نافذ نہیں کی گئی تھی۔
عدالتی دستاویز کے مطابق 70 برس کے بولسونارو کو فیڈرل پولیس ہیڈکوارٹر میں ہی قید کرنے کا حکم دیا گیا جہاں انہیں ہفتے کے روز منتقل کیا گیا تھا۔
اس سے پہلے وہ اگست سے گھر میں نظر بند تھے، برازیل کی تاریخ میں یہ پہلا موقع ہے کہ جب کسی سابق صدر کو بغاوت کے جرم میں سزا سنائی گئی ہے۔
