کراچی میں بیشتر سگنل غیر فعال ہونے سے ٹریفک پولیس کو ای چالان سسٹم میں مشکلات کا سامنا ہونے لگا۔
ڈی آئی جی ٹریفک پیر محمد شاہ کے مطابق شہر میں 89 ٹریفک سگنلز میں سے صرف 69 کام کر رہے ہیں۔
بڑھتی ٹریفک کے پیش نظر اس وقت کراچی میں سوا ارب روپے مالیت کے 400 جدید سگنلز کی ضرورت ہے، نئے منصوبے میں خود کار ٹریفک چلانے والے 400 سگنلز لگیں گے۔
انہوں نے کہا کہ اگر ممبئی کو دیکھا جائے تو ممبئی میں ایل ای ڈی لائٹس والے 569 جبکہ نئی دلی میں 2160 ٹریفک سگنلز کام کر رہے ہیں۔
