پاکستانی اداکارہ و ماڈل نوشین شاہ نے اپنی روحانی تبدیلی کے حوالے سے بات کرتے ہوئے کہا ہے کہ ایک خواب نے میں حجاب پہننے کی طرف مائل کیا تھا، میں نے خواب میں ایک آواز سنی جو کہہ رہی تھی کہ اگر تم نے سر نہ ڈھانپا تو فرشتے تمہیں چھوڑ جائیں گے، جاگتے ہی میں نے دوپٹہ اٹھا کر پہن لیا اور تقریبا ًچار ماہ تک باقاعدگی سے حجاب کرتی رہی۔
شوٹس اور گھر پر ہر وقت حجاب پہنتی تھیں لیکن پھر مجھے محسوس ہوا کہ میں دوہری زندگی گزار رہی ہوں، اسی احساس نے انہیں کنفیوژن میں مبتلا کیا جس کے بعد وہ سوچنے پر مجبور ہوئیں اور آخر کار حجاب اتارنے کا فیصلہ کرلیا۔
انہوں نے کہا میں نے اللہ سے معافی مانگی اور حجاب ہٹا دیا حالانکہ میں اسے خوبصورتی سے سٹائل بھی کرتی تھی اور پہننا بھی اچھا لگتا تھا۔
انہوں نے کہا میں اللہ سے دعا کرتی تھیں کہ مجھے نماز کی طرف راغب کرے، میں نے دعا کی کہ یا اللہ مجھے اپنی طرف بلا اور اگر تو مجھ سے محبت کرتا ہے تو مجھے نماز کی طرف لے آ، اللہ نے میری دعا قبول کی اور اب میں باقاعدگی سے نماز پڑھتی ہوں، یہ میری ذاتی بہتری کیلئے ہے، نماز نظم پیدا کرتی ہے، برائیوں سے بچاتی ہے اور انسان کو کئی نقصانات سے محفوظ رکھتی ہے۔
نوشین شاہ نے بتایا کہ وہ قرآن کا ترجمہ سنتی ہیں تاکہ بہتر طور پر سمجھ سکیں کہ اللہ ہم سے کیا کہتا ہے۔
