لاہور: پاکستانی اداکارہ یمنی زیدی نے کہا ہے کہ عنقریب نئے پروجیکٹ میں نظر آوں گی، اگلے پروجیکٹ پر کام جاری ہے، ابھی اس پروجیکٹ کی صرف اسکرپٹ پڑھنے کا کام کیا جارہا ہے۔
یمنی زیدی نے ایک تقریب میں اپنے مداحوں سے گفتگو کرتے ہوئے بتایا کہ کسی بھی پروجیکٹ کا انتخاب کرنے سے پہلے میں بہت الجھن کا شکار رہتی ہوں کہ میں نے اپنے مداحوں کے دلوں میں جگہ بنائی ہے کہیں میں وہ کھو نہ دوں، اس لیے میں بہت احتیاط سے اور بہت دھیان سیٹارگٹ کرکے اپنا اگلا پروجیکٹ کرتی ہوں۔
واضح رہے یمنی زیدی نے یوں تو انڈسٹری میں بہت سے پروجیکٹ میں کام کرکے مداحوں کو اپنی جانب متوجہ کیا لیکن ڈرامہ ‘تیرے بن’ میں یمنی زیدی کی اداکاری کو اس قدر پسند کیا گیا کہ وہ راتوں رات ایک بڑی اسٹار بن گئیں۔ اس کے بعد بھی اداکارہ نے ہٹ ڈراموں میں کام کیا جس کے بعد وہ سب کے دلوں پر راج کررہی ہیں۔
