وزیراعظم محمد شہباز شریف نے کہا ہے کہ کینٹ سٹیشن کراچی کی بہترین تزئین و آرائش کی گئی ہے اور شالیمار ایکسپریس کو نیا بنا دیا گیا ہے۔
کراچی میں کینٹ سٹیشن کی تزئین و آرائش اور شالیمار ایکسپریس کے افتتاح کے موقع پر منعقدہ تقریب سے خطاب کرتے ہوئے وزیراعظم نے کہا کہ مسافروں کی انتظار گاہ، ڈائننگ روم، خودکار ٹکٹ سسٹم بہت شاندار ہے، کینٹ سٹیشن پر شاندار طریقے سے کام کیا گیا ہے، آٹ سورس کے ذریعے شالیمار ایکسپریس کا بہترین کام کیا گیا، شالیمار ایکسپریس کی فرسٹ کلاس اور اکانومی کلاس قابل دید ہے۔
انہوں نے کہا کہ کراچی پاکستان کا روشنیوں کا شہر ہے، ریلوے سٹیشن کی صفائی ستھرائی کراچی ویسٹ مینجمنٹ کے ذمے ہے۔
