ترجمان پاک فوج لیفٹیننٹ جنرل احمد شریف چودھری نے ملینیم یونیورسل کالج اور فیوچر ورلڈ سکول میں طلبہ و اساتذہ کے ساتھ خصوصی نشست کی جس میں ملکی داخلی صورتحال اور دفاع کی اہمیت پر تبادلہ خیال کیا گیا۔
ذرائع کے مطابق طلبا اور اساتذہ نے پاک فوج کو زبردست خراج تحسین پیش کرتے ہوئے کہا کہ پاک افواج خودمختاری اور قومی سالمیت کے تحفظ کیساتھ عوام کی حفاظت بھی کرتی ہیں۔
اساتذہ نے کہا کہ آج کی نشست نے طلبہ کو روایتی سوچ سے ہٹ کر غوروفکر کرنے کا بھی موقع دیا، سیشن نے نوجوانوں کو پاکستانیت، فعال شہریت اور سماجی ذمہ داریوں کے حقیقی تصور سے روشناس کیا جبکہ طلباء نے کہا کہ معرکہ حق میں پاک افواج کے کردار نے نوجوانوں میں پاکستان کے نا قابل تسخیر دفاع کا عزم بڑھایا، آج کی نشست سے احساس ہوا کہ میڈیا پر خبروں کو بغیر تجزیہ اور تصدیق کے پھیلانا غیر ذمہ دارانہ عمل ہے، پاک فوج ہم سے اور ہم پاک فوج سے ہیں۔
