بشری بی بی نے اسلام آباد ہائیکورٹ میں190 ملین پائونڈز ریفرنس میں سزا معطلی کیس کی جلد سماعت کیلئے درخواست دائر کردی۔
درخواست میں نیب کو فریق بناتے ہوئے موقف اپنایا گیا ہے کہ جوڈیشل پالیسی کے مطابق ضمانت اور سزا معطلی کی درخواستوں کو ترجیحی بنیاد پر سنا جاتا ہے، درخواست گزار کے کیس کو بلا جواز پس پشت ڈالا جارہا ہے۔
درخواست میں موقف اپنایا گیا کہ بانی پی ٹی آئی کی اہلیہ بشری بی بی کا کیس مقرر نہ کرنا ویمن پروٹیکشن ایکٹ اور سپریم کورٹ کے فیصلوں کے منافی ہے۔
استدعاء ہے کہ درخواست جلد سماعت کیلئے مقرر کی جائے۔
