کاکول: آرمی چیف جنرل عاصم منیرنے کہاہے کہ پاکستان کی بنیاد دو قومی نظریہ ہے، بھارتی میڈیاپراپیگنڈے سے تاریخ مسخ نہیں کرسکتا، ملک کی تخلیق کی خاطر آباؤاجداد نے بے پناہ قربانیاں دیں، ہم اپنے وطن کا دفاع کرنا جانتے ہیں۔
پی ایم اے کاکول میں کیڈٹس کی پاسنگ آؤٹ پریڈ تقریب سے خطاب کرتے ہوئے آرمی چیف جنرل عاصم منیر نے کہا کہ دو قومی نظریہ ہمیشہ سے پاکستان کے وجود کی بنیاد رہا ہے،نظریے کی بنیاد یہ تھی کہ مسلمان اور ہندو دو قومیں ہیں۔
انہوں نے کہا کہ مسلمان زندگی کے تمام پہلوں میں ہندوں سے مختلف ہیں،بھارتی میڈیا اور سوشل میڈیا روایتی پروپیگنڈے سے تاریخ مسخ نہیں کر سکتا، ہمارا مذہب، رسم و رواج، روایات، سوچ ، ثقافت اور عزائم ہندوں سے مختلف ہیں۔
انہوں نے کہا کہ ، ہمارے آبا ؤاجداد نے پاکستان کی تخلیق کی خاطر بے پناہ قربانیاں دیں، انہوں نے نئے وطن کے حصول کیلئے بے مثال جدوجہد کی۔ انہوںنے کہا کہ ہم ملک کا دفاع کرنا جانتے ہیں۔
