اسلام آباد: قومی اسمبلی میں اپوزیشن لینڈر عمر ایوب نے کہا ہے کہ سب کٹھ پتلیاں ، ملک میں حکومت نام کی کوئی چیز نہیں، جمہوریت، آئین، قانون کی بحالی کیلئے سڑکوں، پارلیمنٹ اور عدالتوں میں جنگ کریں گے۔اسلام آباد میں میڈیا سے گفتگو کرتے ہوئے عمر ایوب نے کہا کہ اپوزیشن کی 2روزہ آئین تحفظ کانفرنس آج ہوگی، ہم نے کانفرنس کے لئے 3 مقامات رکھے ہیں، شاہد خاقان میزبان ہیں۔انہوں نے کہا کہ جمہوریت ،آئین وقانون بحالی کیلئے سڑکوں پارلیمنٹ اور عدالتوں میں جنگ ہوگی۔
انہوں نے کہا کہ بلوچستان کے حالات انتہائی تشویشناک ہوچکے ہیں،خاص طور پر کوہلو، پنجگور، گوادر، کیچ اور دیگر 4اضلاع میں حکومتی رٹ مکمل ختم ہوچکی ہے ، بلوچستان کے وزیر سے روڈ پر اسلحہ چھینا گیا وزیر اعلی اپنے وزیر کا چھینا اسلحہ واپس لے کر دکھائیں۔
انہوں نے کہا کہ اس وقت حکومت نام کی کوئی چیز نہیں، سب کٹھ پتلیاں ہیں، اسلام آباد راولپنڈی ہائی کورٹس الیکشن پی ٹی آئی جیت گئی، عنقریب عمران خان وزیراعظم ہوں گے۔
