اسلام آباد: پی ٹی آئی رہنما سلمان اکرم راجہ نے کہا ہے کہ8 فروری ملکی تاریخ کا شاندار دن تھا، لوگوں نے ووٹ سے انقلاب برپا کیا۔پریس کانفرنس سے خطاب کرتے ہوئے انکا کہنا تھا کہ الیکشن کا دن تقریبآ ٹھیک گزرا لیکن اس کے بعد کارروائی کی گئی، ہر پولنگ اسٹیشن پر ڈبے کھولے گئے فارم 45 کو بدلا گیا، پریزائیڈنگ افسران نے ووٹ والے ڈبے اور فارم 45 آر او کے دفاتر میں منتقل کیے۔
انھوں نے کہا فروری سے قبل پنجاب میں ظلم اور فسطائیت کا بازار گرم کیا گیا۔ سلمان اکرم راجہ نے کہا کہ لوگوں کو اٹھایا گیا، مہم نہیں چلانے دی گئی، پولیس کی زیر نگرانی سب کچھ ہوا، گھٹن کے ماحول میں الیکشن ہوا بلا ہم سے چھین لیا گیا۔
سلمان اکرم راجہ نے کہا ہمیں گریبانوں سے پکڑ کر وہاں سے باہر پھینکا گیا، گولی کس نے چلائی؟ کوئی تحقیق نہیں ہوئی۔ انھوں نے کہا کہ گنتی دونوں امیدواروں کی موجودگی میں ہونی چاہیے، ریٹرننگ افسران کے دفاتر میں ہم بیٹھے تھے تو کہا گیا گولی چل گئی ہے۔
