اسلام آباد: وزیر اعظم شہباز شریف نے کہا ہے کہ سیاسی جھگڑوں سے پھیلنے والی نفرت ملک کیلئے نقصان دہ ہے،معیشت پہلے سے بہتر، مزید محنت درکار ہے،باہمی اتفاق سے ملک کو ترقی دی جاسکتی ہے۔نجی ٹی وی سے گفتگو میں وزیراعظم نے کہا کہ عوام کو آہستہ آہستہ بہتر معیشت کے ثمرات مل رہے ہیں،جب ملک کی باگ ڈور سنبھالی تو حالات انتہائی مشکل تھے، ہم نے حکومتی بہتری کیلئے اقدامات اور سفارشی کلچر کو ختم کرنے کی کوشش کی۔
انہوں نے کہا کہ سیاسی جھگڑوں سے نفرت پھیلتی ہے جو ملک کیلئے نقصان دہ ہے ،پی ٹی آئی دور میں نفرت کا کلچر پروان چڑھا جس نے ملک کو نقصان پہنچایا، باہمی اتفاق و اتحاد سے ہی ملک کو ترقی دی جا سکتی ہے۔
انہوںنے کہا کہ حکومتی کاوشوں سے مہنگائی کی شرح سنگل ڈیجٹ پر آگئی ہے، بینکوں کا مارک اپ ریٹ بہتر ہوا ہے، آنیوالے دنوں میں مہنگائی کا گراف مزید کم ہو گاتاہم اب بھی مزید محنت درکارہے۔
انہوں نے کہ مہنگائی میں کمی پر پوری ٹیم کی کاوش شامل ہے، سرکاری افسران کو بھی دن رات محنت کرنا ہوگی۔ انہوں نے کہا کہ ملکی ترقی کیلئے ہر سٹیک ہولڈر کو خلوص نیت سے کام کرنا ہوگا، فوج ملکی سلامتی کیلئے جانوں کی قربانیاں دے رہی ہے۔
