لاہور: کریانہ مرچنٹ ایسوسی ایشن نے ایف بی آر کی ناقص پالیسیوںکیخلاف14فروری سے پنجاب بھر میں چینی کی فروخت بند کرنے کا اعلان کردیا۔ جاری ویڈیو پیغام میں مرکزی صدر کریانہ مرچنٹ ایسوسی ایشن سلیم پرویز بٹ نے کہا ہے کہ چینی کی فی کلو قیمت میں 3روپے کا اضافہ منظور نہیں۔
چینی کی قیمت میں مسلسل اضافہ ایف بی آر کی ناقص پالیسی کا نتیجہ ہے، 4روپے کے 75مائیکرون کے بیگ کی پیکنگ پر لیبر سمیت دس روپے فی کلو چینی پر خرچہ پڑتا ہے جبکہ دوکاندار کے لئے صرف تین روپے بڑھائے گئے ہیں۔
انہوں نے کہا کہ پنجاب حکومت اور ایف بھی آر سے کئی بار مذاکرات کئے مگر شنوائی نہیں ہو رہی۔انہوں نے کہا کہ14فروری کو لاہور میں پنجاب کریانہ ایسوسی ایشن کے اجلاس میں صوبے بھر میں چینی کی فروخت بند کرنے کااعلان کریں گے۔
