پاکستان نے امریکی صدر ڈونلڈ ٹرمپ کے امن منصوبے پر حماس کے جواب کا خیر مقدم کیا ہے۔ دفتر خارجہ کی جانب سے جاری بیان میں کہا گیا ہے کہ یہ موقع غزہ میں یرغمالیوں اور فلسطینی قیدیوں کی رہائی کیلئے اہم ہے، غزہ میں انسانی ہمدردی کی امداد کی بلاتعطل ترسیل یقینی بنانا ضروری ہے۔
ترجمان نے کہا کہ اسرائیل کو فوری طور پر حملے بند کرنے چاہئیں، پاکستان صدر ٹرمپ کی امن کوششوں کو سراہتا ہے، امید ہے یہ کوششیں دیرپا جنگ بندی اور مستقل امن کی راہ ہموار کریں گی۔
بیان میں کہا گیا ہے پاکستان ایک خودمختار فلسطینی ریاست کے قیام کی حمایت کرتا ہے، فلسطینی ریاست کی بنیاد 1967 سے پہلے کی سرحدوں پر ہونی چاہیے، القدس الشریف فلسطینی ریاست کا دارالحکومت ہو۔
بیان میں کہا گیا ہے کہ پاکستان تعمیری اور بامعنی کردار ادا کرتا رہے گا۔
