اوٹاوا (لارڈ میڈیا) پاکستان کا79 واں یوم آزادی اور قائد اعظم محمد علی جناح کی 150 ویں سالگرہ کے سلسلے میں تقریب اوٹاوا میں منعقد ہوئی۔ تقریب کا انعقاد پاکستان کے ہائی کمیشن نے کیا، جس میں مونٹریال، ٹورنٹو اور وینکوور کے قونصلیٹ جنرلز نے بھی شرکت کی۔
تقریب میں پرچم کشائی کی گئی اور حاضرین کو صدر پاکستان، وزیراعظم اور وزیر خارجہ کے پیغامات سنائے گئے۔ قائد اعظم کی زندگی اور قیادت پر دستاویزی فلم بھی دکھائی گئی۔
ہائی کمشنر محمد سلیم نے اپنے خطاب میں پاکستان کے 80 ویں یوم آزادی کے موقع پر مبارکباد پیش کی اور قائد اعظم کی میراث کو خراج عقیدت پیش کرتے ہوئے ان کے وژن کے لیے عزم کا اعادہ کیا۔
تقریب میں پاکستانی برادری کے نمائندوں اور خیر خواہوں نے شرکت کی، جبکہ خاندانوں اور نوجوانوں کی شرکت نے حب الوطنی کے جذبے کو اجاگر کیا۔ شرکا نے مسلح افواج اور عوام کی قربانیوں کو خراج تحسین پیش کیا۔
انہوں نے قائد اعظم کے 150 ویں یوم پیدائش کو نوجوان نسلوں کے لیے متاثر کن قرار دیا۔
