اوٹاوا (لارڈ میڈیا) کینیڈا کے سابق وزیراعظم جسٹن ٹروڈو نے اپنے دیرینہ چیف آف اسٹاف کیٹی ٹیلفورڈ کے ہمراہ ‘ہوپ اینڈ ہارڈ ورک’ کے نام سے میڈیا اور انٹرٹینمنٹ پروڈکشن کمپنی قائم کر لی ہے۔ یہ کمپنی فلم، ٹیلی ویژن، آڈیو اور لائیو انٹرٹینمنٹ کے ذریعے ایسی کہانیاں پیش کرنے کا ارادہ رکھتی ہے جن کا مقصد لوگوں کے درمیان باہمی سمجھ بوجھ اور روابط کو فروغ دینا ہے۔
کمپنی کا نام اس جملے سے متاثر ہے جسے ٹروڈو نے 2013 میں لبرل پارٹی کی قیادت سنبھالنے کے بعد اپنی تقاریر میں بارہا استعمال کیا۔
جسٹن ٹروڈو 2015 سے 2025 تک کینیڈا کے وزیراعظم رہے۔ حکومت سے علیحدگی کے بعد ٹروڈو زیادہ تر عوامی منظرنامے سے دور رہے ہیں۔
