لیزبن (لارڈ میڈیا): پرتگال کے معروف فٹبالر کرسٹیانو رونالڈو نے اپنی ریٹائرمنٹ کے بارے میں اشارہ دیتے ہوئے کہا ہے کہ یہ ان کا ممکنہ طور پر آخری سیزن ہوسکتا ہے۔ انہوں نے یہ بات اپنی ساتھی جارجینا روڈریگز سے شادی کے بعد ایک انٹرویو میں کہی۔
رونالڈو نے کہا کہ ان کے پاس فٹبال کے بعد اپنے وقت کو مصروف رکھنے کے لیے بہت سی چیزیں ہیں اور وہ تفریح، سفر اور پیڈل کھیلنے کا ارادہ رکھتے ہیں۔ انہوں نے اپنے 25 سالہ کیریئر کی قربانیوں کا ذکر بھی کیا۔
رونالڈو نے پانچ بار بیلن ڈی اور اور چیمپئنز لیگ جیتنے کے ساتھ ساتھ انگلینڈ، اسپین، اٹلی اور سعودی عرب میں لیگ ٹائٹلز اپنے نام کیے ہیں۔ وہ مینز انٹرنیشنل فٹبال میں سب سے زیادہ گول کرنے والے کھلاڑی بھی ہیں۔
سعودی پرو لیگ کی ٹیم النصر کے ساتھ ان کے معاہدے میں ابھی ایک سال باقی ہے۔ رونالڈو نے کہا کہ ورلڈکپ کے بارے میں وہ اپنے خاندان سے مشاورت کے بعد فیصلہ کریں گے۔
رونالڈو اور جارجینا کی شادی پرتگال کے شہر کاسکائس میں ایک نجی تقریب میں ہوئی، جس میں ان کے پانچ بچے بھی شریک تھے۔ مداح ان کی شادی دیکھنے کے لیے جمع ہو گئے تھے۔
