ویانا (لارڈ میڈیا) کتے نہ صرف وفادار اور محافظ جانور ہیں بلکہ انسانی جذبات کو سمجھنے کی صلاحیت بھی رکھتے ہیں۔ ویانا یونیورسٹی کی تحقیق میں یہ بات سامنے آئی کہ کتے انسانی چہرے کے مختلف تاثرات کو دیکھ کر مختلف انداز میں پروسیس کرتے ہیں۔ تحقیق میں یہ شواہد ملے کہ کتے انسانی چہرے کے جذباتی اشاروں کے لیے انتہائی حساس ہیں اور وہ اپنے مالک کے جذبات کو سمجھ لیتے ہیں۔
تحقیق کے مطابق کتوں کے لیے انسان کی آواز، جسمانی انداز اور خوشبو بھی اہم اشارے ہیں۔ حقیقی زندگی میں وہ چہرے کے ساتھ ساتھ پورے رویے کو ملا کر صورتحال کو سمجھتے ہیں۔
سائنس دانوں کا کہنا ہے کہ کتوں کے ذہن میں پیدا ہونے والے تجربات کو براہِ راست جانچنا ممکن نہیں، لیکن وہ برسوں سے ہمیں بغیر الفاظ کے بتا رہے ہیں کہ آپ کا چہرہ صرف انسان نہیں بلکہ ممکن ہے گھر کا کتا بھی اسے پوری توجہ سے پڑھ رہا ہو۔
