غزہ (لارڈ میڈیا) غزہ سول ڈیفنس نے مغربی غزہ شہر میں ایک تباہ شدہ رہائشی عمارت کے نیچے سے 19 فلسطینیوں کی لاشیں برآمد کی ہیں۔
ریسکیو ٹیموں نے چار روزہ آپریشن کے دوران السینا اسٹریٹ پر کرم رہائشی عمارت کے ملبے سے یہ لاشیں نکالیں۔ یہ عمارت اسرائیلی حملے میں تباہ ہوئی تھی۔
سول ڈیفنس کے باڈی ریکوری پراجیکٹ کے ایگزیکٹو سپروائزر محمد ابو دان نے بتایا کہ اس مقام پر تلاشی کی کوششیں مکمل کر لی گئی ہیں اور ٹیمیں اب غزہ شہر کے دوسرے علاقوں میں منتقل ہو گئی ہیں۔
پراجیکٹ کے دوسرے مرحلے کے تحت 19 جولائی کو ایک اندازے کے مطابق 1,072 لاشوں کی تلاش شروع کی گئی تھی، جو 147 تباہ شدہ گھروں کے نیچے پھنسی ہوئی ہیں۔
شہری دفاع کے ترجمان محمود بسال نے کہا کہ یہ کام "انتہائی محدود” وسائل کے ساتھ جاری ہے، جس میں ریڈ کراس کی بین الاقوامی کمیٹی کی مدد شامل ہے۔
