اسلام آباد (لارڈ میڈیا): پاکستان نے افغانستان، مشرق وسطیٰ اور کشمیر کے حوالے سے اپنا مؤقف واضح انداز میں پیش کردیا ہے۔ ترجمان دفتر خارجہ نے ہفتہ وار بریفنگ میں کہا کہ پاکستان نے بدخشاں اور افغانستان کے دیگر علاقوں میں جھڑپوں کی اطلاعات دیکھی ہیں۔
ترجمان نے کہا کہ پاک امریکا انسدادِ دہشت گردی مذاکرات ایک باقاعدہ عمل ہیں اور دونوں ممالک کے درمیان انٹیلی جنس تعاون موجود ہے۔ افغانستان سے دہشت گرد گروہ پورے خطے میں موجود ہیں، جنہیں بھارتی مالی معاونت حاصل ہے۔
انہوں نے مزید کہا کہ ایران اور امریکا کے معاہدے میں پاکستان کا کردار اہم ہے۔ پاکستان خلیج میں کشیدگی کم کرنے کے لیے مثبت کردار ادا کر رہا ہے اور آبنائے ہرمز کے معاملے پر ثالثی کی کوشش میں متحرک ہے۔
انہوں نے کہا کہ یومِ استحصالِ کشمیر کے حوالے سے بھارتی وزارت خارجہ کے بیان کو پاکستان مسترد کرتا ہے۔ مقبوضہ کشمیر میں بھارتی فوج کی بھاری موجودگی برقرار ہے اور آبادی کے تناسب میں تبدیلی کی کوششیں جاری ہیں۔
ترجمان دفتر خارجہ نے کہا کہ صومالیہ میں پاکستانی یرغمالیوں کی رہائی نہایت افسوسناک ہے اور حکومت کی ترجیحات میں شامل ہے۔ غزہ کے حوالے سے اسرائیل کی ذمہ داریوں پر نظر رکھنے کی ضرورت ہے۔
ترجمان نے کہا کہ بنگلا دیش کے ساتھ سفارتی روابط معمول کے سفارتی ذرائع سے جاری ہیں اور بنگلا دیش کے عوام بیرونی مداخلت کے بغیر اپنے معاملات حل کرنے کی صلاحیت رکھتے ہیں۔
