کراچی: ویسٹ انڈیز کے خلاف آخری ٹیسٹ میچ میں پاکستان کے کپتان بابر اعظم اور بلے باز عبداللہ شفیق کی شاندار بیٹنگ پر شائقین کی جانب سے بھرپور تعریف کی گئی ہے۔ لیجنڈری ویسٹ انڈین پیسر اور کمنٹیٹر ایان بشپ نے بھی اس موقع پر دلچسپ تبصرہ کیا ہے۔
ویسٹ انڈیز کی ٹیم پہلی اننگز میں 344 رنز بنا کر آؤٹ ہوئی جبکہ پاکستان کی ابتدائی دو وکٹیں 98 رنز پر گر گئیں۔ امام الحق 14 اور اذان اویس 55 رنز پر آؤٹ ہوئے۔
ایسے میں بابر اعظم اور عبداللہ شفیق نے محاذ سنبھالا اور دوسرے دن کے اختتام پر تیسرے وکٹ کی شراکت میں 168 رنز بنائے۔ عبداللہ شفیق نے اپنی چھٹی ٹیسٹ سنچری مکمل کی اور 107 رنز پر جبکہ بابر اعظم 86 رنز پر موجود ہیں۔
ایان بشپ نے اپنے تبصرے میں کہا کہ سیالکوٹ نے علامہ اقبال، پروین شاکر اور فیض احمد فیض جیسے عظیم شاعر و ادیب پیدا کیے ہیں، اسی مناسبت سے بابر اعظم نے عبداللہ شفیق کو ‘کتابی’ کا لقب دیا، جو ان کی شاندار تکنیکی بیٹنگ کی وجہ سے ہے۔
یہ تبصرہ سوشل میڈیا پر وائرل ہوگیا اور شائقین نے بلے بازوں کی بیٹنگ کے ساتھ ساتھ ایان بشپ کی معلومات کی بھی تعریف کی۔
