بیجنگ (شِنہوا) چائنہ کوسٹ گارڈ (سی سی جی) نے جمعے کے روز چین کے جزیرہ تائیوان کی مشرقی سمندری حدود میں معمول کے مطابق قانون کے نفاذ کا گشت کیا۔
سی سی جی کے ترجمان جیانگ لوئے نے بتایا کہ جولائی سے سی سی جی کے شیوشان بحری بیڑے نے متعلقہ سمندری حدود میں نگرانی کا نظام مزید مضبوط کیا جس سے جہاز رانی کے معمول اور آپریشنل نظم و ضبط کو برقرار رکھنے کے ساتھ ساتھ تائیوان کے ہم وطنوں سمیت چینی شہریوں کے قانونی حقوق، مفادات اور جان و مال کا تحفظ یقینی بنایا گیا ہے۔
ترجمان نے کہا کہ سی سی جی چین کے دائرہ اختیار میں آنے والے سمندری علاقوں میں قانون کے نفاذ کے گشت کو مزید مضبوط بناتا رہے گا اور قومی علاقائی خودمختاری اور سمندری حقوق و مفادات کا پرعزم طریقے سے تحفظ کرے گا۔
