نیویارک (لارڈ میڈیا): ٹام ہالینڈ کی نئی فلم اسپائیڈر مین: برانڈ نیو ڈے نے ریلیز سے قبل ہی 90 فیصد ریٹنگ حاصل کر کے ایک غیر متوقع ریکارڈ قائم کیا ہے۔ روٹن ٹومیٹوز کی جانب سے فلم کو یہ اسکور ملا ہے جو ابتدائی طور پر مثبت تھا مگر پہلے جائزے کے بعد کچھ کمی ہوئی۔
اسپائیڈر مین: برانڈ نیو ڈے، اسپائیڈر مین: نو وے ہوم کے بعد پیٹر پارکر کی زندگی کے نئے باب کا آغاز کرتی ہے۔ اس فلم میں ٹام ہالینڈ ایک بار پھر پیٹر پارکر کے کردار میں نظر آئیں گے، جو نیویارک شہر کی حفاظت کے ساتھ اپنی زندگی اور شناخت کو دوبارہ سنبھالنے کی کوشش کرتے ہیں۔
رپورٹ کے مطابق، ٹام ہالینڈ کی اسپائیڈر مین فلموں میں سب سے زیادہ اسکور نو وے ہوم کے پاس ہے، جبکہ نئی فلم 90 فیصد اسکور کے ساتھ اس فرنچائز میں سب سے کم ریٹنگ حاصل کرنے والی فلم بن گئی ہے۔
فلم میں ٹام ہالینڈ کے ساتھ زینڈایا، سیڈی سنک، جیکب بیٹالن اور جون برنتھل بھی اہم کرداروں میں نظر آئیں گے۔ فلم 31 جولائی کو ریلیز ہو گی۔
