نیویارک (لارڈ میڈیا): نیویارک کے میئر ظہران ممدانی نے اسرائیلی وزیر اعظم بنجمن نیتن یاہو کو گرفتار کرنے کی دھمکی واپس لے لی ہے، جس کے بعد نیتن یاہو نے اعلان کیا کہ وہ اقوام متحدہ کی جنرل اسمبلی میں شرکت کریں گے۔
میڈیا رپورٹس کے مطابق ظہران ممدانی نے تسلیم کیا کہ ان کے پاس بین الاقوامی فوجداری عدالت کے جاری کردہ وارنٹ پر نیتن یاہو کو گرفتار کرنے کی قانونی طاقت نہیں ہے۔
نیتن یاہو نے فاکس نیوز کو بتایا کہ نیویارک کے میئر نفرت کو ہوا دیتے ہیں اور کہا کہ ممدانی کو نیویارک کے تمام باشندوں کا میئر ہونا چاہیے، چاہے وہ یہودی ہوں، عیسائی یا مسلمان، لیکن وہ ایک گروپ کو دوسرے کے خلاف کرنے کی کوشش کر رہے ہیں۔
علاوہ ازیں، نیتن یاہو نے نیویارک میں چاقو کے حالیہ حملے کا حوالہ دیا جس میں ایک مشتبہ شخص نے ایک یہودی آدمی پر چاقو سے وار کیا تھا۔
