میڈرڈ (لارڈ میڈیا) اسپین کے اسٹار فٹبالر مارک کوکوریلا کے لمبے بالوں کی جذباتی کہانی سامنے آئی ہے جو ان کے بڑے بیٹے ماٹیو کے ساتھ جذباتی تعلق کی علامت ہے۔ ماٹیو آٹزم کا شکار ہے اور کوکوریلا نے جان بوجھ کر لمبے بال رکھے تاکہ ماٹیو انہیں میدان میں پہچان سکے۔
اسپین کی حالیہ ورلڈکپ فتح کے بعد کوکوریلا کی یہ کہانی دوبارہ توجہ کا مرکز بن گئی ہے۔ کوکوریلا کی شریک حیات کلاڈیا روڈریگیز نے ایک دستاویزی فلم میں بتایا کہ بیٹے کی آٹزم کی تشخیص کے بعد انہیں سخت وقت کا سامنا کرنا پڑا۔
کوکوریلا نے کہا کہ بیٹے کی حالت کو قبول کرنا آسان نہیں تھا اور انہوں نے اس کے بارے میں بہت کچھ سیکھا۔ وہ 2018 سے کلاڈیا کے ساتھ ہیں اور تین بچوں ماٹیو، ریو اور بیلا کے والدین ہیں۔
واضح رہے کہ اسپین نے فیفا ورلڈکپ کے فائنل میں ارجنٹینا کو 0-1 سے شکست دے کر دوسری بار ٹائٹل جیتا۔
