واشنگٹن (لارڈ میڈیا) امریکی وزیر دفاع پیٹ ہیگسیٹھ نے کہا ہے کہ امریکہ اور اسرائیل کی ایران کے خلاف جاری جنگ پر اب تک 37.5 ارب ڈالر خرچ ہو چکے ہیں، جو کہ پچھلے جاری کردی اعدادو شمار سے تقریباً 8 ارب ڈالر زیادہ ہے۔
سینیٹ کی اپروپریئیشنز کمیٹی کے سامنے چیئرمین جوائنٹ چیفس آف اسٹاف جنرل ڈین کین کے ہمراہ بات کرتے ہوئے، ہیگسیٹھ نے قانون سازوں کو بتایا کہ اس رقم میں 30 ستمبر تک کے متوقع فوجی اخراجات بھی شامل ہیں۔
پینٹاگون کے سربراہ نے محکمہ دفاع کے لیے تقریباً 67 ارب ڈالر کی اضافی فنڈنگ کی درخواست کا دفاع کرتے ہوئے کہا کہ یہ اضافی وسائل جاری فوجی کارروائیوں کی حمایت اور امریکی دفاعی صلاحیتوں کو برقرار رکھنے کے لیے ضروری ہیں۔
یہ سماعت اس وقت ہوئی جب ہیگسیٹھ نے پہلی بار کانگریس کے اراکین کے سامنے عوامی سوالات کا سامنا کیا، جب سے امریکی فوج نے اس ماہ کے اوائل میں ایران کے خلاف کارروائیاں دوبارہ شروع کی ہیں۔ قانون سازوں نے تنازعے کے بڑھتے ہوئے مالی اخراجات اور خطے میں پینٹاگون کے مستقبل کے فوجی منصوبوں کی تفصیلات طلب کیں۔
