نیو جرسی (لارڈ میڈیا): امریکی ریاست نیو جرسی میں شدید گرمی کی لہر کے باعث 19 افراد ہلاک ہو چکے ہیں۔ ریاست کے ہیلتھ کمشنر کے مطابق، مرنے والے افراد میں وہ لوگ شامل ہیں جو بغیر ایئر کنڈیشن کے گھروں، سڑکوں پر اور پارک کی گئی گاڑیوں کے اندر پائے گئے۔
یو ایس نیشنل ویدر سروس نے بتایا ہے کہ تقریباً 160 ملین افراد کے لیے شدید گرمی کی وارننگز جاری کی گئی ہیں۔ نیو جرسی کے گورنر مکی شیرل نے شہریوں کو متنبہ کرتے ہوئے کہا ہے کہ ریاست 14 سال کے طویل عرصے بعد انتہائی شدید گرمی کا سامنا کر رہی ہے۔ انہوں نے عوام سے اپیل کی ہے کہ وہ گھروں کے اندر ہی رہیں اور ایئر کنڈیشنڈ مقامات کا رخ کریں۔
سائنس دانوں کا کہنا ہے کہ موسمیاتی تبدیلی، جو بڑی حد تک انسانی سرگرمیوں سے گرین ہاؤس گیسوں کے اخراج سے ہوتی ہے، دنیا بھر میں زیادہ گرمی کی لہروں کی ذمہ دار بن رہی ہے۔
