چین میں پہلے 5 ماہ کے دوران خدمات کی تجارت میں 6 فیصد اضافہ

بیجنگ (شِنہوا) چین میں 2026 کے پہلے 5ماہ کے دوران خدمات کی تجارت میں گزشتہ سال کی نسبت 6 فیصد اضافہ ریکارڈ کیا گیا جبکہ سیاحتی اور علم پر مبنی خدمات کی برآمدات میں نمایاں ترقی دیکھنے میں آئی۔
چین کی وزارت تجارت کی جانب سے جاری ہونےوالے اعداد و شمار کے مطابق رواں سال جنوری سے مئی تک خدمات کی درآمدات اور برآمدات کا مجموعی حجم تقریباً 31 درآمدات اور یوآن (تقریباً 455.4 ارب امریکی ڈالر) رہا۔
اعداد و شمار کے مطابق خدمات کی برآمدات 15.9 فیصد اضافے کے ساتھ 12.3 کھرب یوآن تک پہنچ گئیں، جبکہ درآمدات میں 0.4 فیصد اضافہ ہوا اور ان کا حجم 18.7کھرب یوآن رہا۔ اس عرصے کے دوران خدمات کی تجارت کا خسارہ گزشتہ سال کے مقابلے میں 160.72 ارب یوآن کم ہو کر 638.56 ارب یوآن رہ گیا۔
اس مدت کے دوران علم پر مبنی خدمات کی تجارت میں گزشتہ سال کی نسبت 5.4 فیصد اضافہ ہوا اور اس کا حجم 13.7 کھرب یوآن تک پہنچ گیا، جو مجموعی خدماتی تجارت کا 44.2 فیصد بنتا ہے۔
علم پر مبنی خدمات کی برآمدات 12.2 فیصد بڑھ کر 667.75 ارب یوآن تک پہنچ گئیں، جن میں تخلیقی املاک کے
استعمال کی فیس سے حاصل ہونے والی آمدنی میں 64.9 فیصد اور ذاتی ثقافتی و تفریحی خدمات کی برآمدات میں 50.1 فیصد اضافہ ریکارڈ کیا گیا۔
سیاحتی خدمات کی برآمدات نے خدمات کی برآمدات کے 5 بڑے شعبوں میں سب سے تیز رفتار نمو حاصل کی، جو 31.3 فیصد اضافے کے ساتھ 188.5 ارب یوآن تک پہنچ گئیpel۔ نقل و حمل کی خدمات کی درآمدات 402.52 ارب یوآن رہیں، جو 26.7 فیصد زیادہ ہیں اور یہ خدماتی درآمدات کے 5 بڑے شعبوں میں سب سے زیادہ شرح نمو رکھنے والا شعبہ رہا