اسلام آباد (لارڈ میڈیا): صدر مملکت آصف علی زرداری نے اعلان کیا ہے کہ پاکستانی وفد ایران کے سابق سپریم لیڈر آیت اللہ علی خامنہ ای کے جنازے میں شرکت کرے گا۔ یہ اعلان ایرانی صدر مسعود پزشکیان سے ملاقات کے دوران کیا گیا، جس میں دوطرفہ تعلقات، علاقائی امن وسلامتی اور اقتصادی تعاون پر تبادلہ خیال ہوا۔ صدر زرداری نے ایران کے امن، استحکام اور علاقائی سالمیت کے لیے مکمل حمایت کا اعادہ کیا۔
صدر زرداری نے ایرانی صدر کے امن معاہدے کے بعد پاکستان کے پہلے سرکاری دورے کا خیرمقدم کیا اور دونوں رہنماؤں نے دیرینہ برادرانہ تعلقات کو فروغ دینے کے عزم کا اعادہ کیا۔ صدر زرداری نے ایران کے ساتھ مضبوط تعلقات کے لیے تکنیکی مذاکرات کی اہمیت پر زور دیا۔
آصف علی زرداری نے خلیجی ملکوں کے ساتھ مضبوط تعلقات اور امت مسلمہ کے اتحاد کے تحفظ کے لیے پاکستانی عزم کا اعادہ کیا۔ ایرانی صدر نے پاکستان کی مثبت کوششوں کو سراہتے ہوئے کہا کہ ایران پاکستان کے ساتھ تعلقات کو اہمیت دیتا ہے اور مختلف شعبوں میں تعاون بڑھانے کا خواہاں ہے۔
