اسلام آباد (لارڈ میڈیا): پاکستان سمیت شمالی نصف کرے میں آج سال کا طویل ترین دن اور مختصر ترین رات ہے۔ یہ دن خط سرطان یا Summer Solstice کے نام سے جانا جاتا ہے اور اس کے بعد موسم گرما کا حقیقی آغاز ہوتا ہے۔ خط سرطان کی حالت میں قطب شمالی سورج کی جانب جھکا ہوتا ہے، جس کے باعث سورج خط استوا سے سب سے زیادہ دور ہوتا ہے۔ اس دن پاکستان میں دن کا دورانیہ 14 سے 15 گھنٹے کے درمیان ہوگا۔
دنیا کے مختلف مقامات پر اس دن کو مختلف رسومات کے ساتھ منایا جاتا ہے۔ مثال کے طور پر، سوئیڈن میں مڈ سمر کے طور پر منایا جاتا ہے جبکہ برطانیہ کے اسٹون ہینج میں لوگ اس موقع پر جمع ہو کر مختلف سرگرمیوں میں حصہ لیتے ہیں۔
قطب جنوبی کے براعظم انٹارکٹیکا میں اس وقت 24 گھنٹے تاریکی کا راج ہے۔ جنوب میں آج سال کا مختصر ترین دن اور طویل ترین رات ہو گی، جس کے بعد موسم سرما کا آغاز ہوتا ہے۔
دلچسپ بات یہ ہے کہ سال کا طویل ترین دن ہر سال مختلف تاریخوں پر ہوسکتا ہے، جیسے کہ 2024 میں 21 جون کو تھا جبکہ 2025 میں 22 جون کو ہوا۔ اس کے بعد دن کے دورانیے میں کمی آنا شروع ہوتی ہے اور دسمبر میں سال کا مختصر ترین دن ہوتا ہے۔
یہ بھی اہم ہے کہ موسم گرما کے طویل دن کا مطلب یہ نہیں کہ زمین سورج کے قریب ہے، بلکہ اس وقت زمین سورج سے سب سے زیادہ دور ہوتی ہے۔ درجہ حرارت میں اضافہ زمین کے محور کے جھکاؤ کا نتیجہ ہوتا ہے۔
