بیجنگ (شِنہوا) چین نے گروپ آف سیون (جی 7) پر زور دیا ہے کہ وہ مارکیٹ اکانومی کے اصولوں اور بین الاقوامی تجارتی قواعد کی پابندی کرے اور ایسے "چھوٹے گروہی” ضوابط کا استعمال بند کرے جو بین الاقوامی اقتصادی و تجارتی نظام کے لئے نقصان دہ ہوں۔
یہ بات چینی وزارت خارجہ کے ترجمان لین جیان نے جمعرات کے روز معمول کی پریس بریفنگ کے دوران ایک سوال کے جواب میں کہی جو جی 7 کے اس بیان سے متعلق تھا جس میں اہم معدنیات کے لئے کسی ایک سپلائر پر انحصار کم کرنے پر زور دیا گیا تھا۔ اس اقدام کو وسیع پیمانے پر چین پر انحصار کم کرنے کی کوشش کے طور پر دیکھا جا رہا ہے۔
انہوں نے کہا کہ اہم معدنیات سے متعلق عالمی صنعتی اور سپلائی چینز کے استحکام اور تحفظ کو یقینی بنانے کے حوالے سے چین کا موقف بدستور برقرار ہے۔
