دہلی (لارڈ میڈیا): معروف بھارتی فلمساز اور ہدایتکار امتیاز علی نے انکشاف کیا ہے کہ دہلی میں اپنے کالج کے زمانے میں وہ ایک بار اغوا کا شکار ہوئے تھے۔ انہوں نے بتایا کہ یہ واقعہ ان کے طالب علمی کے دنوں میں پیش آیا جب وہ ہندو کالج میں زیر تعلیم تھے اور طلبا سیاست کی کشیدگی اپنے عروج پر تھی۔ امتیاز علی نے کہا کہ یہ معاملہ ایک پوسٹر سے شروع ہوا تھا جو ہاسٹل کی دیوار پر لگایا گیا تھا۔ مخالف گروہ کی نظر انداز کرنے پر انہوں نے خود پوسٹر اتار کر دوسری جگہ منتقل کر دیا۔ کچھ دن بعد انہیں اغوا کر کے ویران سرکاری کوارٹر میں لے جایا گیا، جہاں ان سے پوچھ گچھ کی گئی۔ گروہ کے رہنما کو حقیقت معلوم ہونے پر انہیں رہا کر دیا گیا۔ امتیاز علی نے کہا کہ یہ واقعہ ان کے لیے مثبت یادوں میں بدل گیا اور اسی وجہ سے ان کے کئی نئے دوست بھی بنے۔ اپنی نئی فلم کے بارے میں بات کرتے ہوئے انہوں نے بتایا کہ یہ کہانی پنجاب، تقسیمِ ہند کے پس منظر، اور موسیقی کے ساتھ جڑی محبت کی داستان ہے۔
امتیاز علی کا دہلی میں اغوا کا انکشاف
- Advertisment -