بیجنگ (شِنہوا) چین نے مصنوعی ذہانت (اے آئی) کی صنعت میں اپنی ترقیاتی کامیابیوں کے خلاف امریکہ کی جانب سے کی جانے والی بدنامی اور بہتان تراشی کی سخت مخالفت کرتے ہوئے امریکی فریق پر زور دیا ہے کہ وہ تعصب ترک کرے اور چین کے خلاف ٹیکنالوجی کے میدان میں جبر اور دباؤ کا سلسلہ بند کرے۔
وزارت خارجہ کے ترجمان گو جیا کن نے ان خیالات کا اظہار جمعہ کے روز ایک پریس بریفنگ کے دوران مصنوعی ذہانت کی لیبارٹریوں کی تخلیقی ملکیت (آئی پی)کے حوالے سے چین پر عائد امریکی الزامات کے جواب میں کیا۔
امریکی دعوؤں کو مکمل طور پر بے بنیاد قرار دیتے ہوئے گو نے کہا کہ چین امریکہ سے مطالبہ کرتا ہے کہ وہ حقائق کا احترام کرے، تعصب چھوڑے، تکنیکی جبر بند کرے اور ایسے اقدامات کرے جو دونوں ممالک کے درمیان سائنسی و تکنیکی تبادلوں اور تعاون کے لئے سازگار ہوں۔
