بیجنگ (شِنہوا) چین، سپین کے ساتھ تزویراتی ہم آہنگی اور پالیسی روابط کو مضبوط بنانے، کاروباری ماحول کو مسلسل بہتر بنانے، ٹیکنالوجی کی جدیدیت اور صنعتی و سپلائی چینز میں ادارہ جاتی تعاون کو فروغ دینے کے لئے تیار ہے۔
چینی وزیر تجارت وانگ وین تاؤ نے چین-سپین اختراعی ادارہ جاتی تبادلہ کانفرنس میں کہا کہ دونوں ممالک نئی توانائی کی گاڑیوں، سمارٹ مینوفیکچرنگ، فوٹو وولٹک اور ہوائی توانائی جیسے شعبوں میں مزید نمایاں منصوبے شروع کر سکتے ہیں جن سے دونوں اطراف کے کاروبار اور عوام کو فائدہ ہوگا۔
وانگ وین تاؤ نے مزید کہا کہ دونوں ممالک کے درمیان اقتصادی و تجارتی تعلقات مستحکم انداز میں ترقی کر رہے ہیں اور صنعتی سلسلے کے انضمام میں گہرائی آئی ہے جس سے مضبوط تکمیل اور استحکام ظاہر ہوتا ہے۔
اس موقع پر ہسپانوی وزیراعظم پیڈرو سانچز نے کہا کہ دوطرفہ تعلقات تاریخ کی بہترین سطح پر ہیں اور تجارت، سرمایہ کاری، ماحول دوست توانائی، صنعتی پیداوار اور ٹیکنالوجی کی جدیدیت میں گہرا تعاون موجود ہے۔
انہوں نے کہا کہ سپین مزید چینی کمپنیوں کا سرمایہ کاری اور کاروبار کے لئے خیر مقدم کرتا ہے اور دونوں ممالک کی کاروباری برادریوں کے درمیان تزویراتی تعاون میں اضافے کا خواہاں ہے۔
