ووہان (شِنہوا) چین کے وسطی علاقے اور جنوب مشرقی ایشیا کو ملانے والا ایک نیا براہ راست فضائی روٹ اتوار کو شروع کر دیا گیا جس کی افتتاحی پرواز چین کے صوبہ ہوبے کے دارالحکومت ووہان سے انڈونیشیا کے دارالحکومت جکارتہ کے لئے روانہ ہوئی۔ یہ روٹ دونوں شہروں کے درمیان پہلا براہ راست رابطہ ہے۔
پرواز ایم ایف 8683 میں 150 سے زائد مسافر سوار تھے جو شام چار بج کر40 بجے ووہان تیان حہ بین الاقوامی ہوائی اڈے سے جکارتہ کے سوئیکارنو۔ ہٹہ بین الاقوامی ہوائی اڈے کے لئے روانہ ہوئی۔
یہ روٹ بوئنگ 737-800 میکس طیارے کے ذریعے چلایا جا رہا ہے اور اس روٹ پر ہفتے میں چار دن یعنی پیر، بدھ، جمعہ اور اتوار کو پروازیں چلائی جائیں گی۔
ووہان تیان حہ بین الاقوامی ہوائی اڈے کے مطابق اس روٹ کے آغاز سے ووہان اور انڈونیشیا کے مرکزی شہر کے درمیان براہ راست مسافر گنجائش میں موجود خلا پر ہو گیا ہے جس سے چین کے اس شہر کا جنوب مشرقی ایشیا کے لئے فضائی نیٹ ورک مزید وسیع ہو گیا ہے۔
