اسلام آباد (شِنہوا) ایرانی صدر مسعود پزشکیان نے وزیراعظم شہباز شریف کے ساتھ ٹیلی فون پر گفتگو کے دوران اس بات کی تصدیق کی ہے کہ ایران اسلام آباد میں ہونے والے مذاکرات میں شرکت کرے گا۔
وزیراعظم کے دفتر سے بدھ کو جاری ہونے والے ایک بیان میں کہا گیا ہے کہ وزیراعظم شہباز شریف نے بدھ کے روز صدر پزشکیان سے ٹیلی فون پر رابطہ کیا جس کے دوران انہوں نے جنگ بندی پر رضامندی ظاہر کرنے اور رواں ہفتے کے آخر میں اسلام آباد میں ایران اور امریکہ کے درمیان مذاکرات کی میزبانی کی پاکستان کی پیشکش قبول کرنے پر ایرانی قیادت کابہت شکریہ ادا کیا۔
ایرانی صدر نے تصدیق کی کہ ایران اسلام آباد میں ہونے والے ان مذاکرات میں بھرپور شرکت کرے گا۔
بیان میں کہا گیا ہے کہ دونوں رہنماؤں نے مستقبل میں بھی قریبی رابطہ برقرار رکھنے پر اتفاق کیا ہے۔
