بھارت میں پنجابی فلم انڈسٹری کی معروف اداکارہ سونم باجوہ نے بالی ووڈ فلموں کی آفرز ٹھکرانے اور بعد میں پچھتاوے پر کھل کر بات کتے ہوئے ایک انٹرویو میں انکشاف کیا ہے کہ انہوں نے بالی ووڈ کی کئی فلموں کی پیشکشیں صرف اس وجہ سے ٹھکرا دیں کیونکہ ان میں بوسے کے مناظر شامل تھے، مجھے اس بات کا خوف تھا کہ پنجاب کے ناظرین اور خاص طور پر گھر والے ایسے مناظر کو کس نظر سے دیکھیں گے، اسوقت سوچتی تھیں کہ پنجاب میں خاندان اکٹھے فلمیں دیکھتے ہیں اسلئے وہ کسی بھی متنازع سین کا حصہ بننے سے گھبرا رہی تھیں۔
اداکارہ نے اعتراف کیا کہ اس خوف کی وجہ سے انہوں نے بغیر سوچے کچھ بڑے مواقع گنوا دئیے جس پر انہیں بعد میں پچھتاوا بھی ہوا، فلم کی پیشکشیں ٹھکرانے کے بعد والدین سے اس حوالے سے بات کی تو انکا ردعمل توقع کے برعکس تھا، والدین نے مکمل حمایت کا یقین دلایا اور کہا کہ اگر فلم کا تقاضہ ہو تو ایسے مناظر فلمانے میں کوئی مسئلہ نہیں ہے۔
سونم نے افسردگی سے اس بات کا اظہار کیا کہ کاش وہ یہ بات پہلے ہی گھر والوں سے کر لیتیں۔
