صدر مملکت آصف زرداری نے آلودگی سے پاک توانائی جامع ترقی و موسمیاتی اہداف کیلئے ناگزیر قرار دیتے ہوئے کہا ہے کہ پاکستان قابل اعتماد اور پائیدار توانائی نظام کی تعمیر کیلئے پرعزم ہے کیونکہ آلودگی سے پاک توانائی روزگار اور ٹیکنالوجی کی ترقی کا ذریعہ ہے۔
صاف توانائی کے عالم دن پر جاری بیان میں صدر زرداری نے کہا کہ پاکستان موسمیاتی تبدیلی سے سب سے زیادہ متاثر ممالک میں شامل ہے، حکومتی پالیسی میں آلودگی سے پاک توانائی کو مرکزی حیثیت حاصل ہے، پاکستان نے صاف توانائی کی جانب منتقلی کو قومی ترجیح بنا لیا ہے، حکومت نے 2030ء تک 30فیصد الیکٹرک گاڑیوں کا ہدف مقرر کیا ہے۔
انہوں نے کہا کہ شدید سموگ اور فضائی آلودگی عوامی صحت کیلئے بڑا چیلنج بن چکی ہے، فضائی آلودگی کے سماجی و معاشی اثرات تشویشناک ہیں، کم کاربن ترقی پاکستان کی قومی موسمیاتی پالیسی کا اہم ستون ہے پاکستان کے توانائی مکس میں 35فیصد صاف اور قابل تجدید توانائی شامل ہے۔
صدر زرداری نے واضح کیا کہ پائیدار ترقی کے اہداف کے حصول کیلئے توانائی کے موثر استعمال پر ناگزیر ہے، صاف توانائی ماحولیاتی نہیں بلکہ معاشی ضرورت بھی ہے۔
صدر زرداری نے کہا کہ پاکستان قابل اعتماد اور پائیدار توانائی نظام کی تعمیر کیلئے پرعزم ہے کیونکہ آلودگی سے پاک توانائی روزگار اور ٹیکنالوجی کی ترقی کا ذریعہ ہے۔
