میئر کراچی مرتضی وہاب نے کہا ہے کہ عوام کی تکلیف کا احساس ہے، بند کمروں میں میٹنگز کا وقت ختم ہوچکا، کراچی جلد دوبارہ روشنیوں کا شہر بنے گا۔
رات گئے میئر کراچی نے کراچی کی جہانگیر روڈ کا دورہ کیا اور ترقیاتی کام جلد از جلد مکمل کرنے کی ہدایت کی۔
انہوں نے کہا کہ مقررہ وقت سے قبل منصوبے مکمل کر کے نئی مثال قائم کی جائے۔
انہوں نے کہا کہ میں خود جا کر منصوبوں پر بریفنگ لوں گا، بند کمروں کی میٹنگز کا وقت اب ختم ہوچکا۔
انہوں نے کہا کہ جہانگیر روڈ کی اپنی اہمیت ہے، عوام کی تکلیف کا پورا احساس ہے، وہ دن دور نہیں جب کراچی دوبارہ روشنیوں کا شہر بنے گا۔
