پی ایس ایکس 100 انڈیکس نیا ریکارڈ قائم کرتے ہوئے 1 لاکھ 84 ہزار پوائنٹس کی حد بھی عبور کر گیا۔
منگل کو کاروباری ہفتے کے دوسرے روز کاروبار کے آغاز پر سٹاک ایکسچینج میں زبردست تیزی دیکھنے میں آئی، 1400سے زائد پوائنٹس کے اضافے کے ساتھ پاکستان سٹاک مارکیٹ میں 100 انڈیکس ایک لاکھ 83 ہزار 834 پوائنٹس کی بلند ترین سطح پر پہنچ گیا تاہم ٹریڈنگ کے دوران سٹاک ایکسچینج اچانک مثبت سے منفی زون میں چلی گئی اور انڈیکس ایک لاکھ 81ہزار 182پوائنٹس کی سطح پر آگیا۔
بعدازاں ٹریڈنگ کے دوران پاکستان سٹاک مارکیٹ میں ایک بار پھر سے زبردست تیزی دیکھنے میں آئی اور 2000سے زائد پوائنٹس کے اضافے کیساتھ سٹاک ایکسچینج میں ہنڈرڈ انڈیکس ایک لاکھ 84ہزار 554 پوائنٹس کی بلند ترین سطح پر پہنچ گیا ہے۔
