آئی جی ایف سی بلوچستان (نارتھ) نے کہا ہے کہ کہ کیڈٹ کالج جعفر آباد و دیگر ادارے نوجوان نسل کو نظم و ضبط، اعلی کردار اور حب الوطنی کے جذبے سے آراستہ کر رہے ہیں۔
ذرائع کے مطابق کیڈٹ کالج جعفرآباد میں یومِ والدین کی پروقار تقریب کا انعقاد ہوا جس میں آئی جی ایف سی بلوچستان، والدین، ارکانِ قومی و صوبائی اسمبلی، کمشنر نصیر آباد، مقامی عمائدین اور سول و ملٹری افسران نے کثیر تعداد میں شرکت کی۔
تقریب کے دوران کیڈٹس نے اعلی نظم و ضبط اور پیشہ ورانہ مہارت کا مظاہرہ کرتے ہوئے شاندار پریڈ اور مختلف عملی سرگرمیاں پیش کیں، والدین اور دیگر شرکا نے کیڈٹس کی عمدہ کارکردگی، خود اعتمادی اور اعلی تربیتی معیار کو سراہا۔
آئی جی ایف سی بلوچستان (نارتھ) نے تقریب سے خطاب کرتے ہوئے کیڈٹ کالج جعفر آباد کے تعلیمی و تربیتی معیار کو قابل تحسین قرار دیا۔
انہوں نے کہا کہ کیڈٹ کالج جعفر آباد اور دیگر ایسے ادارے نوجوان نسل کو نظم و ضبط، اعلی کردار اور حب الوطنی کے جذبے سے آراستہ کر رہے ہیں۔
