ڈی جی خان: ڈی جی خان میں پولیس چیک پوسٹ پر فتنہ الخوارج کا حملہ ناکام بنا دیا گیا۔ ترجمان پنجاب پولیس کے مطابق تھانہ وہوا کی جھنگی پولیس چیک پوسٹ پر رات گئے 20سے 25 خوارجی دہشت گردوں نے مختلف اطراف سے حملہ کردیا، اس دوران دہشت گردوں نے راکٹ لانچرزاور جدید خود کار اسلحے کا استعمال کیا تاہم چوکی پر تعینات پنجاب پولیس کے الرٹ اہلکاروں نے زبردست مزاحمت اور جوابی فائرنگ سے حملہ ناکام بنا دیاترجمان کے مطابق جوابی کارروائی سے دہشت گرد پسپا ہو کر فرار ہو گئے کی تلاش کے لئے علاقے میں سرچ آپریشن جاری ہے۔
آئی جی پنجاب عثمان انور نے خوارجی دہشت گردوں کا حملہ ناکام بنانے پر ڈیرہ غازی خان پولیس کو شاباش دیتے ہئے کہا ہے کہ جھنگی پولیس چیک پوسٹ پنجاب حکومت کی فنڈنگ سے مزید محفوظ بنائی جا چکی ہے، چوکی پر اضافی نفری، جدید آلات اور اسلحہ پہلے سے فراہم کیا گیا ہے۔ انہوں نے کہا کہ پنجاب پولیس کے بہادر سپاہی ملک و قوم کے دشمنوں کے سامنے سیسہ پلائی دیوار ہیں۔
