اسلام آباد: وزیراعظم ہاؤس آمد پر ترک صدر رجب طیب اردوان کا شاندار استقبال کرتے ہوئے سلامی پیش کی گئی۔ ذرائع کے مطابق پاکستان کے دورے پر آئے ترک صدر رجب طیب اردوان اور خاتون اول کا وزیراعظم ہاؤس آمد پر وزیراعظم شہباز شریف نے شاندار استقبال کیا ، اس موقع پر ان کے اعزاز میں سلامی دی گئی جبکہ دونوں ممالک کے قومی ترانے بھی پیش کئے گئے۔ وزیراعظم نے مہمان خصوصی کی وفاقی کابینہ کے اراکین سے فردا فردا ملاقات کروائی۔
بعد ازاں ترک صدر رجب طیب اردوان سے آرمی چیف جنرل عاصم منیر نے بھی ملاقات کی اور انہیں خوش آمدید کہا۔ ترک صدر کو ایف 16طیاروں کی فارمیشن نے فلائی پاسٹ پیش کر کے سلامی دی۔
