ملائیشیا کی ریاست صباح کے دارالحکومت کوٹا کینابالو میں اتوار کے روز منعقد ہونے والی ’’ملائیشیا چین 2026 دوڑ‘‘ میں 5 ہزار سے زائد لوگ شریک ہوئے۔
ملائیشیا چین دوستی تنظیم صباح کے زیر اہتمام منعقد ہونے والی اس تقریب کا مقصد دونوں ممالک کے درمیان سفارتی تعلقات کے قیام کی 52ویں سالگرہ کے موقع پر باہمی دوستی اور عوامی سطح پر تبادلوں کو فروغ دینا ہے.
مسلسل ساتویں سال منعقد ہونے والی یہ تقریب صباح میں چین اور ملائیشیا کے درمیان عوامی دوستی اور باہمی تبادلوں کے فروغ کے لئے ایک نمایاں سرگرمی بن چکی ہے۔
ساؤنڈ بائٹ 1 (چینی): اوہ ای سن، صدر، ملائیشیا چین دوستی تنظیم، صباح
’’رواں برس کی تقریب میں 5 ہزار سے زائد افراد نے شرکت کی جس کے باعث یہ اب تک کی سب سے بڑی تقریب بن گئی۔ ہماری تنظیم چاہتی ہے کہ ملائیشیا اور چین کے درمیان ہر سطح پر مزید باقاعدہ اور قریبی تبادلوں کو فروغ دیا جائے۔ مجھے امید ہے کہ آئندہ برس ہم 6 ہزار افراد کو شرکت کے لئے متوجہ کرسکتے ہیں۔‘‘
ساؤنڈ بائٹ 2 (چینی): لی وین وین، ملازم، چائنہ کمیونیکیشنز کنسٹرکشن کمپنی
’’میرے لئے یہ پہلا موقع ہے کہ میں ’ملائیشیا چین دوڑ‘ میں حصہ لے رہا ہوں۔ میرے خیال میں یہ ایک بہت بامعنی سرگرمی ہے۔ یہ چینی کمپنیوں کے ملازمین کو مقامی ثقافت اور رسم و رواج کو سمجھنے کا موقع فراہم کرتی ہے جبکہ ملائیشیا اور چین کے درمیان دوستی اور عوامی سطح پر تبادلوں کو بھی فروغ دیتی ہے۔‘‘
کوٹا کینابالو، ملائیشیا سے شِنہوا نیوز ایجنسی کے نمائندوں کی رپورٹ
