کیلیفورنیا (لارڈ میڈیا): میٹا نے فیس بک اور انسٹا گرام کے لیے ایک نیا فیچر متعارف کرایا ہے جو ریلز ویڈیوز کو ٹی وی سیریل کی طرح مرتب کرنے میں مدد فراہم کرے گا۔ کمپنی نے کہا ہے کہ یہ فیچر فی الحال محدود صارفین میں آزمائش کے لیے جاری کیا گیا ہے۔
نیا فیچر صارفین کو اپنی پروفائل میں ہر ریل کو ایک بڑی کہانی کی قسط میں تبدیل کرنے کی سہولت دے گا۔ یہ فیچر ٹک ٹاک کی طرح صارفین کو زیادہ وقت تک ویڈیوز دیکھنے کی حوصلہ افزائی کرتا ہے۔
میٹا کا کہنا ہے کہ مستقبل میں اس فیچر سے صارفین کو کمانے کا موقع بھی فراہم کیا جا سکتا ہے، تاہم اس بارے میں مزید تفصیلات فی الحال شیئر نہیں کی گئیں۔
میٹا نے بتایا کہ لوگوں کا فیچر پر ردعمل اچھا رہا ہے اور صارفین مختلف اقساط میں ویڈیوز تیار کر رہے ہیں۔ صارفین کے لیے مکمل سیریز دیکھنے اور محفوظ کرنے کا آپشن بھی موجود ہے۔
یہ فیچر ابھی محدود صارفین کو دستیاب ہے اور یہ کہنا مشکل ہے کہ کب تک تمام صارفین کے لیے متعارف کرایا جائے گا۔
