اسلام آباد (شِنہوا) پاکستان کے دفتر خارجہ نے جمعرات کے روز امید ظاہر کی ہے کہ امریکہ اور ایران کے درمیان ممکنہ معاہدہ “جلد یا بدیر” طے پا جائے گا۔
دفتر خارجہ کے ترجمان طاہر حسین اندرابی نے اسلام آباد میں ہفتہ وار پریس بریفنگ کے دوران واشنگٹن اور تہران کے درمیان مذاکرات سے متعلق ایک سوال کے جواب میں کہا کہ ہم توقع رکھتے ہیں کہ معاہدہ جلد یا بدیر طے پا جائے گا۔
انہوں نے کہا کہ پاکستان بات چیت میں سہولت فراہم کرنے کے لئے تیار ہے اور خود کو ایک "دیانت دار سہولت کار” کے طور پر دیکھتا ہے۔
انہوں نے کہا کہ ایک دیانت دار سہولت کار اور ثالث کے طور پر یہ ہماری ذمہ داری ہے کہ ہم معلومات کو محفوظ رکھیں اور اس کی حفاظت کریں۔ انہوں نے مزید کہا کہ پاکستان کسی بھی معاہدے کا خیرمقدم کرے گا چاہے اس کی جگہ کوئی بھی ہو۔
انہوں نے یہ بھی کہا کہ اگر یہ اسلام آباد میں ہوتا ہے تو یہ ہمارے لئے اعزاز اور فخر کی بات ہوگی۔
