بیجنگ (شِنہوا) چینی مین لینڈ اپنے ساحلی صوبے فوجیان کی حمایت کرے گا تاکہ وہ آبنائے تائیوان کے دونوں جانب مربوط ترقی کے لئے ایک نیا راستہ تلاش کرنے میں مزید بڑے اقدامات کرے اور اس مقصد کے لئے اعلیٰ معیار کا ایک آزمائشی زون قائم کرے۔ اس امر کا اظہار جمعہ کو منعقدہ ایک اجلاس میں کیا گیا۔
مرکزی حکام نے 2023 میں رہنما اصول جاری کئے تھے جن کا مقصد فوجیان کو آبنائے پار مربوط ترقی کا نیا راستہ تلاش کرنے اور آزمائشی زون کے قیام میں مدد دینا تھا۔
یہ اجلاس کمیونسٹ پارٹی آف چائنہ (سی پی سی) کی مرکزی کمیٹی کے تائیوان ورک آفس، قومی ترقی اور اصلاحاتی کمیشن (این ڈی آرسی)، مرکزی پارٹی اور ریاستی اداروں اور فوجیان صوبائی حکام نے مشترکہ طور پر منعقد کیا تاکہ پیش رفت کا جائزہ لیا جائے اور مستقبل کی ترجیحات پر بات کی جائے۔
سی پی سی کی مرکزی کمیٹی کے تائیوان ورک آفس اور ریاستی کونسل کے تائیوان امور کے دفتر کے سربراہ سونگ تاؤ نے زور دیا کہ زیادہ پختہ عزم، زیادہ عملی اقدامات اور زیادہ موثر حکمت عملی کے ذریعے آبنائے پار مربوط ترقی کے آزمائشی زون کی تعمیر میں نئی پیش رفت کی جائے۔
انہوں نے یہ بھی کہا کہ آبنائے تائیوان کے دونوں طرف پرامن تعلقات کو فروغ دینے اور قومی اتحاد کے عظیم مقصد کو آگے بڑھانے کے لئے مزید اور بڑے کردار ادا کئے جائیں۔
قومی ترقی اور اصلاحاتی کمیشن کے نائب سربراہ ژو ہائی بنگ نے کہا ہے کہ مقامی حالات کے مطابق اہم علاقائی پلیٹ فارمز پر تجرباتی اقدامات کئے جائیں اور اہم شعبوں میں مربوط ترقی کو عملی پیش رفت کے ساتھ آگے بڑھایا جائے۔
